Zyrtarisht shpejtësia e lejuar në autostradat shqiptare vendoset deri në 130 km/orë. Me asnjë votë kundër u miratua në Komisionin për Veprimtaritë Prodhuese këtë të martë vendimi për ndryshimin në Kodin Rrugor të shpejtësisë në autostradat e vendit.
Shpejtësia e lejuar në autostrada deri më sot ka qenë në kufirin 110 km/orë. Sipas deputetëve por dhe ekspertëve të sigurisë rrugore në komision, autostradat në Shqipëri i kanë kushtet për lëvizjen e automjeteve me shpejtësi deri në 130 km/h.
Për qytetarët deri në 70 vjeç do t’u lejohet mbajtja e patentës. Ky vendim bëri që kohëzgjatja të ndryshohet nga mosha 65 vjeç deri në 70 vjeç. Ndër vendimet e tjera të miratuara është dhe lejimi i mbajtjes së dy patentave. Kushdo qytetar shqiptar që zotëron një patent të huaj të mos i hiqet e drejta për të mbajtur dhe atë të vendit të lindjes.
