Zyrtarisht Partia Demokratike do të futet e përçarë (me dy kandidatë) në zgjedhjet lokale ku grupi i Enkelejd Alibeaj sot ka zyrtarizuar kandidatin e parë. Bëhet fjalë për Agron Kapllanaj i cili më 14 maj të 2023 do të garojë në Bashkinë e Mallakastrës.
“Vendimi për të kandiduar nuk është ambicie as ofiqe personale, por detyrim ndaj qytetarëve që më kanë besuar ndër vite dhe fatkeqësisht i braktisëm në vitin 2019”, u shpreh Kapllanaj.
I pyetur a ka negociuar apo do të negociojë me PD-në e drejtuar nga Berisha, Agron Kapllanaj tha: “Demokratët do të dinë të zgjedhin. Unë do të jem kandidat. Partia ime, siç e thashë dhe e kam thënë, janë qytetarët mallakastriot. Atyre u detyrohem dhe do jem aty për ta. Ju kam shërbyer demokratëve dhe socialistëve pa dallime”.
