Kapriçot e motit nuk kanë fund! Megjithëse jemi në Pranverë, vendi ynë është përfshirë sërish nga reshjet e dëborës dhe temperaturat e ulëta kanë “pushtuar” të gjithë territorin.
Reshjet e borës, të cilat kanë nisur që prej orëve të para të mëngjesit, kanë bllokuar aksin kombëtar në Rrugën e Arbrit, kryesisht në bypassin Qafë Murrizë. Subjekti kontraktor po punon për pastrimin dhe hapjen sa më shpejt të aksit.
Policia Rrugore apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass- Qafë Murrizë, të ndjekin aksin rrugor Klos-Burrel-Ulëz. Gjithashtu apelon shoferët që të tregojnë kujdes të shtuar dhe të moderojnë shpejtësinë në rrugë.
