Kryeministri Edi Rama ka prezantuar projektin e madh për transformimin e Shkodrës.
Kreu i qeverise shkruan se projekti do të përfshijë krijimin e një parku multi-funksional buzë Bunës, me një hapësirë prej 18 hektarësh; portin pranë Urës së Bunës si një pol i ri turistik, si dhe ngritjen e një muzeu që do të nxjerrë në pah për vizitorë e turistë historinë e Shkodrës në shekuj.
Ky projekt gjithashtu do të ketë impakt të lartë edhe në lehtësimin e qarkullimit dhe reduktimin e trafikut në qytet, pasi parashikon zgjerimin e rrugës nga Harku i Bërdicës tek Ura e Bahçallëkut përfshirë dhe zgjerimin e urës në katër korsi.
Kreu i qeverisë ka shpërndarë disa foto nga projekti, ku shihet gjelbërimi që zotëron zonën si dhe fusha sportive. Sakaq Rama shkruan se fati i Shkodrës për këtë transformim lidhet me zgjedhjet e 14 majit, nëse qytetarët do zgjedhin tja besojnë drejtimin Benet Becit.
