Kryeministri Edi Rama ka rrëfyer se si arriti të bëhej protagonist dhe merrte në dorë frenat e Partisë Socialiste
Rama tregon se nuk do ishte bërë dot kurrë pjesë nëse nuk do ishte Fatos Nano, ndërsa ky i fundit sipas Ramës, e kuptoi vonë rrezikun. Rama tha se kur po ndodhnin përplasjet brenda partisë, aty kuptoi se duhet të merrte në dorë PS-në, ose të mbyllte karrierën e tij politike pas postit si kryetar bashkie.
“Ishte Nano që i ra me shqelm derës së partisë dhe e hapi që të futesha unë. Nuk mendoj se në momentin e parë ka zgjedhur pasardhësin, ai donte njerëz. Rrezikun e lexoi më vonë. Unë asnjëherë se kam pasur në mend të futesha në politikë. Në momentin që kam vendosur të bëhesha ministër, erdha për të varrosur babanë dhe për të ik prap. Kur u bëra kryetar i bashkisë dhe kur popullariteti im u rrit, un nuk isha anëtar partie, nuk identifikohesha nga të tjerët si socialist, por si një person që po bën për Tiranën dhe kisha popullaritet të madh. Nuk mundesha më të bëja gjerat në Bashki se filloi një konflikt nga njerëz rreth e rrotull Fatosit. Ajo erdhi si nevojë, ose duhet të lija bashkinë dhe të mos merresha me politik ose duhet të merrja partinë nëse do merresha me Tiranën”– tregon Rama.
